Inicio > Cultura sidrera > Presentación del Salón Internacional de les Sidres de Gala 2019
Cultura sidreraInternacionalSISGA

Presentación del Salón Internacional de les Sidres de Gala 2019

La presentación va tener llugar el prósimu vienres 20 de setiembre a les 11:30 hores na Casa la Palmera de Xixón; el SISGA llevaráse aa cabu del 25 al 29 de setiembre, la Tastia Abierta al públicu sedrál sábadu 28

LA SIDRA.- Torna un añu más el Salón Internacional de les Sidres de Gala –SISGA’19–. Na so novena edición va axuntar en Xixón a ellaboradores de países como Estaos Xuníos, Xapón, Francia, Italia, Portugal o República Checa; pero sobromanera va cuntar con una interesante participación de países bálticos como Letonia, Estonia, Finlandia y Polonia.

L’alcuentru va tener llugar del 25 al 29 setiembre, demientres los cualos, van llevar a cabu diverses actividaes coles mires d’impulsar les sidres de copa que díi ente díi aumenten la so presencia nel mercáu internacional como les brut, les de xelu o de fueu, los llicores o los auguardientes, por mentar solo dellos tipos. Tamién busca xenerar sinerxes ente los llagareros participantes y ampliar les oportunidaes d’esportación.

Presentación oficial: El prósimu vienres 20 de setiembre na Casa de la Palmera en Xixón a les 11:30 hores. Na rueda prensa van desplicase tolos detalles del congresu. Intervendrán Santos Tejón Llaneza, conceyal Delegáu de Promoción Económica, Emplegu, Turismu y Comerciu Llocal de Xixón; Carme Pérez, representante de la Fundación Asturies XXI –entamaora del eventu–; y el llagareru Antonio Torres, de sidre Valnera.

El díi clave pa dar a conocer tolos productos presentaos al SISGA’19 va ser la xornada de Tastia Abierta al Públicu que se va llevar a cabu’l sábadu 28 de setiembre. El llugar tornará ser La Colexata de San Xuan Bautista allugada xunta’l Palaciu de Revillaxixéu de Xixón n’horariu de 12:00 a 21:00 hores. Esta va ser una oportunidá única pa que’l públicu puea conocer y prebar l’amplia gama de sidres novedoses y derivaos qu’esisten nel mercáu, provenientes de más de doce países de 3 continentes.

(Visited 2.466.599 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies