Inicio > AS > Noticies > Presentación de la nueva Poma Aurea
Noticies

Presentación de la nueva Poma Aurea

“Hai que ser mui nacionalistes cola sidre, colo nueso” afirmó Samuel Trabanco na presentación de la nueva imaxe de la nueva “Poma Aurea”.

LA SIDRA.- Poma Áurea reinvéntase, meyora la fórmula y renueva’l so aspeutu, actualizándola y faciéndola más elegante si cabe. La so nueva presentación en sociedá tuvo llugar na tardi-nuechi d’ayeri, nes estupendes istalaciones del Llagar Trabanco en Sariegu, cuntando cola presencia de importantes presonalidaes del seutor, como Tino Cortina, presidente de la DOP, el presidente de la patronal turística asturiana, José Almeida, o la propia conseyera de Desendolcu Rural, María Jesús Álvarez.

Na presentación intervino’l xerente de Grupu Trabanco, de Samuel Trabanco, que fexo una llamada a defender non solo la sidre asturiano, sino a tol seutor, dende’l collecheru al llagareru, afirmando que “Hai que ser mui nacionalistas cola sidre, colo nueso”. Nun sen asemeyáu manifestóse José Almeida, que pidió a los asturianos  consumir toda la sidra que fabricamos”, inclusu la mesma conseyera tuvo pallabres de sofitu a la sidre como ellementu identitariu. Oxallá que’l “Principado” comparta les sos pallabres y dexe de facer los actos oficiales con “vino español”.

 

La idega del Grupo Trabanco cola nueva presentacion de Poma Áurea desplicóla perfechamente Samuel Trabanco “conquistar mercaos cola vista y que’l paladar faiga’l restu”, Dende llueu’l nueu diseñu resulta impresionante y el paladar de xuru respuende. Aparte del mercáu asturianu Poma Áurea apunta alto y ta a la gueta de consolidase nel potente mercáu anglosaxón. Calidá hai pa ello, dende llueu.

Polo demás la presentación resultó perfecha na so execución, al altor al que mos tien avezaos la empresa Gustatio. Sobresaliente 

(Visited 2.465.133 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies