Inicio > AS > Eventos > Presentación collecha DOP Sidre d’Asturies
Eventos

Presentación collecha DOP Sidre d’Asturies

Emilio Martínez, Españar y Val de Boides recibieron los premios a la Meyor Sidre Esplumoso, Meyor Sidre  Calistrao y Meyor Sidre Natural, respeutivamente.

LA SIDRA.- El 28 de xunu tuvo llugar nel Recintu Ferial del Mieres del Camín la XII Presentación de la Collecha y la VII Edición del Salón de la DOP Sidre d’ Asturies. Un alcuentru al qu’allegaron los llagares de dicha denominación asina como representantes políticos, hosteleros, industriales y medios de comunicación. Tamién se llevó a cabu la entrega de gallardones que dichu organismu concede añalmente, y que s’espera con gran espeutativa.

El premiu a la Meyor Sidre Esplumoso 2016 foi pa Emilio Martínez. La empresa Martínez Sopeña Hermanos ye la ellaboradora y tamién ganó este mesmu gallardón en 2015. El premiu foi recoyíu por Francisco Sopeña. La siguiente reconocencia, la que se da a la Meyor Sidre Calistrao, recayó n’Españar, tamién de la empresa Martínez Sopeña Hermanos. Roberto Sopeña foi a quien se-y entregó nesti casu’l gallardón.

Val de Boides, del Llagar Castañón, foi la sidre que se fixo, tamién per segunda vegada consecutiva, col títulu a la Meyor Sidre Natural. Julián Castañón foi quien xubió al estráu pa recibir la reconocencia. Coles mesmes, tamién se reconoció’l llabor al Productor de Mazana Pedro Quirós Corujo; y el fubolista Enrique Castro González, más conocíu como “Quini”, foi nomáu Embaxador de la Sidre d’Asturies 2016.

L’actu escomenzó a les 11:30 la mañana. El presentador de la gala foi Joaquín Pajarón y nesti tamién participaron Celestino Cortina Villar, presidente del Conseyu Regulador; José Luis Almeida, presidente d’Otea; l’Alcalde de Mieres, Aníbal José Vázquez; y la conseyera de Desendolcu Rural y Recursos Naturales, María Jesús Álvarez.

(Visited 887.069 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies