Inicio > AS > Eventos > Premios Sidre d’Escoyeta y espicha frente al cáncanu
Eventos

Premios Sidre d’Escoyeta y espicha frente al cáncanu

La Sidre d’Escoyeta premió al actor Arturo Fernández y a Alberto López-Asenjo, Secretariu Xeneral de Pesca, nun actu nel que se recaldaron fondos pa la Fundación Sandra Ibarra.

VER VIDIU

VER SEMEYES

LA SIDRA.- La sidre d’Escoyeta, sellu de calidá qu’axunta a los llagares Trabanco, Foncueva, Muñiz y Peón, cellebró ayeri la entrega de los VI Premios Sidre de Mazana seleicionao nel llagar Trabanco Sariegu. Los gallardones recayeron esti añu n’Alberto López-Asenjo,  Secretariu Xeneral de Pesca, que recibió’l “Premiu Sidre d’Escoyeta 2017” pola so contribuición a la promoción y el desendolcu del seutor agroalimentariu y, particularmente, de la sidre asturiano. Na categoría de “Embaxaor de la Sidre de Mazana Seleicionao 2017” el premiáu foi l’actor asturianu Arturo Fernández, en reconocencia a la so amplísima trayeutoria profesional y al so espardimientu de lo asturiano per tol estáu.

Demientres l’actu, anuncióse tamién la segunda edición de Sidre frente al Cáncanu, que consiste nel llanzamientu d’una edición especial de Sidre d’Escoyeta cola que por ca botella vendía, fasta la primer quincena d’agostu, los llagareros fadrán una aportación económica a la Fundación Sandra Ibarra pa proyeutos d’investigación sobro’l cáncanu, cola intención de superar los 4.000 euros que se recaldaon l’añu pasáu- Amás, donóse a la Fundación pa que seya puestu en puya, el cuadru orixinal del pintor Miguel Galano, qu’apaez nes botelles de la edición especial. La velada clausuróse cola IV edición de la Espicha Solidaria, cuyes entraes teníen un coste de 30 eros de los que 10 donáronse pa la Fundación Sandra Ibarra.

(Visited 2.466.858 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies