Inicio > AS > Eventos > Premios del Concursu Oficial Meyor Cachopu y Cachopín d’Asturies 2017
Eventos

Premios del Concursu Oficial Meyor Cachopu y Cachopín d’Asturies 2017

Sidrería Pichote ganó’l premiu de cachopos y La Escollera’l de cachopín, el meyor harmonizaxe con Sidra Cortina foi pa la Parrilla Muñó de Xixón.

LA SIDRA.- La Guía’l Cachopu entamó un añu más el Concursu Oficial Meyor Cachopu y Cachopín d’Asturies. Nesta edición 2017 observóse un gran incrementu ventes nos 71 restoranes participantes. Un xuráu especializáu en gastronomía y compuestu pol xef Jaime Uz, estrella Michelin del Restorán Arbidel en Ribeseya, Ana Paredes de La Nueva España, Lorena Martínez La Corte de Pelayo; Begoña Santos de Ternera Asturiana IXP; Elvira Fresno sumiller; Raquel Cordón de Notqdes sin comerlo ni beberlo y Nacho Gancedo de La Guía del Cachopo, dieron el so veredictu final nuna tastia ciega cellebrada’l pasáu llunes nel Hotel Barceló Cervantes d’Uviéu.

 

El campión foi la Sidrería Pichote d’Uviéu, el segundu clasificáu foi la Sidrería El Bosque, tamién d’Uviéu, y el terceru Sidrería Casa Cortina de Villaviciosa. En cuantes a la modalidá  Cachopín, e primer puestu foi pa La Escollera de L’Arena, Las Tablas del Campillín d’Uviéu y la Parrilla Ramón de Xixón. Tamién hebio reconocencies al cachopu más popular que foi la Parrilla Muñó de Xixón, meyor cachopu con Ternera Asturiana IXP que foi pa Sidrería Pichote d’Uviéu, la meyor presentación ganóla Casa Patxi d’Avilés, el más orixinal foi’l de La Manduca en Les Regueres y el meyor maridaxe con Sidra Cortina nel que la Parrilla Muñó de Xixón tornó a repetir gallardón.

La revista LA SIDRA ye ún de los patrocianaores d’esti concursu xunto col Ayuntamientu d’Uviéu, Ternera Asturiana IXP, Sidra Cortina, Pepsi Max, Carnicería Hermanos Berdasco, Agua Fuensanta y Restorán La Corte de Pelayo. Otros collaboraores son Centro Comercial Modoo, El Corte Inglés y el programa Noteqdes sin comerlo ni beberlo. Pa más información y ver los demás finalistes pue visitase la páxina www.guiacachopo.com

(Visited 2.466.607 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies