Inicio > AS > Noticies > Postrer tastia de la sidre de Mazana Seleicionao
Noticies

Postrer tastia de la sidre de Mazana Seleicionao

Llevaráse a cabu na sidrería La Panera de La Felguera -Llangréu-

LA SIDRA.- La sidre de Mazana Seleicionao, marca de calidá qu’axunta a los llagares Trabanco, Peñón, Foncueva y Muñiz, cellebra’l prósimu llunes 5 setiembre la postrer mesa de tastia de la collecha 2015. La cita ye de magar les 19 hores na sidrería La Panera de La Felguera.

La mesa de tastia del prósimu llunes dará acabu al ciclu de calificaciones de la collecha 2015 de sidre de Mazana Seleicionao, un ciclu qu’entamó n’abril en La Pola Sieru y que continuó con dos meses de tastia cellebraes en Xixón y Villaviciosa, respeutivamente.

Los miembros del comité de tastia, presidíu por Maximino Villarrica, evaluarán el llunes 5 la sidre presentao a calificación polos cuatro llagares ellaboraores d’esta marca cuyu oxetivu ye da-y puxu a la sidre de calidá. Namás la que supere’l notable, como nota media, podrá salir al mercáu cola escontra-etiqueta “Sidra de Manzana Seleccionada”.

 

La del llunes sedrá la postrer mesa de tastia de la collecha 2015 y nella calificaráse la Sidre d’Escoyeta que se consuma fata que llegue la nueva collecha, qu’arrancará a finales de setiembre.

 

(Visited 2.466.967 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies