Inicio > AS > Noticies > Poma Áurea en Madrid Fusión
Noticies

Poma Áurea en Madrid Fusión

Trabanco va presentar nel congresu la nueva imaxe de la sidre, LA SIDRA tará ende pa cubrir la noticia.

LA SIDRA.- El congresu gastronómicu más importante del Estáu va ser l’escaparate afayaizu pa dar a conocer per primer vegada fora d’Asturies la nueva imaxe de Poma Áurea, que la asitia nel segmentu “Premium” y ta asitiandola nes meses de los meyores restoranes d’Asturies. Al igual que l’añu pasáu, esti mediu comunicación desplazaráse fasta Madrid Fusión pa realizar demientres los trés díis una cobertura costante del alcuentru.

 

La intención ye dar a conocer la sidre brut nature y que los asistentes a Madrid Fusión puedan tastiar y conocer les sos virtúes. Sidre Trabanco va tar presente nel stand de “Xixón Gastronómicu”, allugáu na segunda planta del Palaciu de Congresos. Ellí tamién van tar presentes otres dos empreses asturianes, como son Del Llar coles sos fabes y pitu caleya confitáu y la cerveza Voráxine.

Amás, los visitantes a la feria van poder tomar un culín de sidre natural según aporten al recintu, nel espaciu “Xixón de Sidre”, onde se va sirvir la sidre natural de Trabanco. “Sedrá una oportunidá promocional bien interesante, yá que va dexar que tastien el nuesu lílquidu patrio dalgunos de los meyores xefs del país, dende Pedro Subijana, Martín Berasategui o Juan Mari Arzak fasta los televisivos Alberto Chicote o Susi Díaz” despliquen dende Grupu Trabanco.

(Visited 2.465.104 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies