Ye’l más mozu de tolos ganaores d’esta distinción.
VER ARTÍCULU EN LA SIDRA
LA SIDRA.- La profesionalidá y calidá de los echaores de sidre va a más, y non solo mos referimos a los que participen davezu nos Campionatos d’Echaores, sinon en xeneral al conxuntu d’estos profesionales.
Muestra d’ello ye’l casu de Pelayo Rodríguez, de la Sidrería El Rincón de Celia, rexentáu por Ana Fanego, y qu’abrió nesti xunu pasáu, qu’acaban de ser distinguíu en Xixón de Sidre como’l Meyor Echaor ’17, el más mozu de tolos que fasta agora tienen algamao esta distinción.
Como elli mesmu mos cuenta con perbon criteriu “Ye fundamental que s’eche bien la sidre, porque los veceros ca vegada lo valoren más y búsquenlo, porque si se delega l’echáu nun tapón piérdese la sencia”.
Entrugáu por como-y sentó esti premiu respuende “el premiu supón un impulsu importante tanto pa min como pa la sidrería. Col pocu tiempu que llevamos abiertos va servimos tamién pa damos a conocer, que se mos reconoza’l nuesu esfuerzu y mostrar a la xente lo bien que facmeos el nuesu trabayu, lo que supón una satisfaición y un impulsu pa siguir trabayando díi ente díi”.
Dende LA SIDRA damos-y la norabona, y allégramos ver como la profesionalidá de los echaores ye ca vegada mayor.
