Inicio > AS > Eventos > Participaremos nel Apfelwein Weltweit
Eventos

Participaremos nel Apfelwein Weltweit

La Fundación Asturies XXI va cuntar con un estand propiu na feria de la sidre alemán, pa dar a conocer la sidre, la cultura asturiana de la sidre, y especialmente el Salón Internacional de les Sidres de Gala qu’esti añu fai la so sesta edición.

La Fundación Asturies XXI y LA SIDRA lleven años participando viviegamente na cellebración del eventu sidreru alemán, cuntando nos últimos años con un estand propiu nel cual preséntase la sidre asturiano y sobromanera dase a conocer el Salón Internacional de les Sidres de Gala, favoreciendo la participación nel mesmu de les empreses participantes y espertando l’interés de los asistentes pel nuesu país y la nuesa cultura de la sidre.

 

El Apfelwein Weltweit ye anguañu’l principal eventu européu de l’anovación nel mundiu la sidre. Desendolcáu nel ambiente elegante y hestóricu que supon el  Palmengarten, el Xardín Botánicu de Frankfurt, ufierta la posibilidá de tastiar  más de 250 especialidaes distintes de sidre, llegaes de tol mundiu polos más de 70 espositores que participen nel mesmu.

Nesti eventu tamién se dan a conocer la ca vegada más refinada variedá d’accesorios utilizaos pal serviciu d’estes nueves sidres asina comu una gran esposición de variedaes de mazana.

La nuesa presencia nel mesmu non solo garantiza una representación digna del nuesu país y la so sidre, sinón sobro too, abre les puertes a la internacionalización de dambos, y ponmos en contautu con productores d’otros países que puen atopar n’Asturies un referente nel mundiu la sidre.

(Visited 660.750 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies