Inicio > AS > Noticies > Pal branu, un terciu sidre
Noticies

Pal branu, un terciu sidre

Grupu El Gaitero da puxu a esta bébora, perafayaíza pa esta temporada pol so cómodu envase, versatilidá, saborgu y frescor.

LA SIDRA.- Grupu El Gaitero llanza pa esti branu’l so terciu de sidre, marca que yá llevó un premiu: el de Meyor Sidre Heteroxénia nel Festival de la Sidre de Nava. “Poques coses son más petecibles con esti tiempu que compartir una bébora fresca y deliciosa a la vera la mar… o de la piscina. Y acompangada d’un bon aperitivu, por supuestu. Puestos a pantasiar, a la bébora de los nuesos suaños tamién-y pediríemos que se pudiere llevar a cualisquier parte, que fore baxa en caloríes y con poco alcol. ¡Deseyu cumplíu! El Terciu de Sidre El Gaitero fai rialidá esta pantasía braniega, y amás tien, per un llau, la so versión “ensin” pa quien prefieran nun tomar alcol y, per otru, el so formatu más modernu y franceor: la lata de Sidre El Gaitero pa llevar a cualisquier parte” siñalen dende’l citáu grupu”

Asina mesmo, siñalen que’l so cómodu envase -más piqueñu que los tradicinales- resulta peratractivu, y tien “un saborgu deliciosu”.

 

“Ye una sidre amariella dorada y perllimpia, cola burbuxa bien integrada. Presenta una complexidá en nariz per interesante -con arumes a fruta mauro-, y un equilibriu reondu ente acidez y dulzor que da pasu a un final llargu y ellegante” describen y encamienten la siguiente forma de preparación: “Sabe tovía meyor cuando se sirve en copa de balón, con munchu xelu y una rodaxa mazana que multiplique’l so incomparable frescor. Esti glamurosu ritual de preparación remembra al del xin-tonic, pero’l Terciu de Sidre El Gaiteru sal victoriosu d’esi duelu. Y non solo pola so baxa graduación alcólica, sinon porque tien menos caloríes, y amás ye perfecha p’acompangar l’aperitivu”. Asina mesmo, aseguren que los refrescos, la sangría y la cerveza -bébores del branu- nun tienen la so versatilidá nin son tan llixeros, asina qu’esti productu torna a “salir victoriosu del duelu a cuatro” amás, siñalen, nun lleven gluten.

 

 

(Visited 843.394 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies