Inicio > Chigres > Paella mariscu na Sidrería La Faya
ChigresEncamientosGastronomía

Paella mariscu na Sidrería La Faya

Esta paella namás pue esfrutase con premeditación, ello ye, que tien que pedise por encargu. Nun ye d’estrañar, ta nidio que tresnala lleva tiempu y si nun se degusta al poco de salir del fueu yá se sabe que l’arroz pierde muncho.

Dicen que’l secretu de la paella ta na preparación y nesi sen nun quitaré méritu a la cocina de La Faya, pero la calidá de los productos ta nidio que ye tamién de lo más importante y nesti casu taba al altor, con mariscu de lo meyor y abondoso. L’arroz, suelto y nel so puntu.

Pa con ello, unes botellines de sidre del Llagar Castañón correchamente echao por un camareru prestosu y atentu que tuvo en tou momentu pendiente de nós, ensin agobiar pero ensin facemos esperar polos culinos.

Pa detrás pidimos arroz con llechi, tarta xelada de turrón y, ensin dubia la meyor opción, tarta “La Faya”, una sospresa casera bien prestosa.

 

SIDRERÍA LA FAYA. Ramón García Argüelles, La Felguera. Llangréu. T. 985 695 776

 

 

(Visited 2.465.354 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies