Inicio > AS > Noticies > Nuevu chigre en plenu Barriu la Sidre
Noticies

Nuevu chigre en plenu Barriu la Sidre

El Majuelo abrió les sos puertes el pasáu xueves pa ufiertar a los veceros cocina tradicional asturiana y teniendo comu reclamu principal el pinchu caliente.

LA SIDRA.- Dizse que l’augua ye de bona suerte nes naguraciones. Un escelente presaxu pa El Majuelo, qu’abrió les sos puertes el pasáu xueves 28 xineru en Roncal 9, de Xixón, nun día marcáu pol orbayu. Dende les siete la tardi’l llocal cuntó cola presencia de decenes de presones qu’allegaron pa cellebrar la so apertura. Demientres tola nueche, los sos propietarios, Benjamín y Borja, tuvieron encargándose de que dengún de los sos futuros veceros quedare ensin prebar la so cocina tradicional.

 

Tortiella de pataca, parroches, costielles con mueyu barbacoa y chimichurri, chorizu embutíu y a la sidre, bollos preñáos, esnalines de pitu o tortos con quesu cabrales, fueron dalgunos de los pinchos que s’ufiertaron al públicu asistente. Tamién corrió la sidre. Echóse Trabanco y Canal demientres tola nueche al ritmu y acordes de la música’l país.

Pa los dos socios l’oxetivu primordial ye “dar al veceru lo meyor”. Asina, ún de los sos principales reclamos ye que van ufiertar pinchos calientes en barra que van dir saliendo de la cocina de manera costante,  anque tamién podrá tastiase los clásicos de tortiella de pataca o de xamón que van tar a temperatura ambiente. Tocantenes a les especialidaes de la casa, el pulpu al caricote, los chipirones fritos y les parrillaes son les estrelles de la carta. De manera que n’El Llanu, El Majuelo empezó triando fuerte pa faer que los sos futuros veceros esfruten entá más del barriu la sidre.

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr

(Visited 742.987 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies