Inicio > AS > Noticies > Nueves races de mazana pa la Sidre d’Asturies DOP
Noticies

Nueves races de mazana pa la Sidre d’Asturies DOP

El Conseyu Regulaor de la Sidre d’Asturies DOP anunció que va solicitar la inclusión de 54 nueves races de mazana autorizaes pa la ellaboración de la so sidre.

LA SIDRA.- La polémica entamó dende’l propiu aniciu de la DOP Sidre d’Asturies ónde namás s’autorizaren 14 races de mazana de les más de 2.000 races autóctones asturianes, y pasu ente pasu paez que van iguándose les coses, primero cola incluxón d’ocho, y agora cola prósima incorporación d’otres 54, lo que fadrá que seyan 76 les races almitíes pa la DOP Sidre d’Asturies, perpoques proporcionalmente, y ainda más si camentamos que por exemplu la DOP vasca inclúi 105 races de les poco más de 500 races autóctones coles que cuenten.

 

El problema ye perimportante, darréu qu’esa llimitación -arbitraria de toes toes- va suponer un emprobecimientu de la bayura xenética de la mazana astuariana, darréu qu’aquelles escluyíes van dexar de producise progresiblemente y enfrentámosmos a un futuru nel que namás se produzan aquelles acoyíes a la DOP, y per ende de mayor valir añadíu.

Per otru llau, la reconocencia d’un mayor númberu de races de mazana asturiano ¿por qué non les más de 2000 coles que cuntamos? namás pue repercutir na meyora de la sidre asturiano, que tendrá más posibilidaes de diversificase d’alcuerdu a los criterios del mercáu y de los llagareros.

(Visited 2.465.662 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies