Inicio > AS > Noticies > Nueves actividaes del grupu sumilleres de la sidre
Noticies

Nueves actividaes del grupu sumilleres de la sidre

El grupu sidreros de la Sidrería El Tastu d’Uviéu sigue aconceyando con regulariedá selmanal y prebando nueves sidres comu se ve na imaxe.

LA SIDRA.- Dos sidres ingleses de dos grandes marques, la Merry Down aniciada en 1946 por Jak Ward que mayaron la so primer sidre nun llagar prestáu, de más de 300 años y que la idega primixenia yeren los vinos, úfremos una sidre con un 6% de alcol, mui afrutiada, con gas amestáu,  una proporción d’azúcre moderao que la fai una sidre médium, sidre mui pálido daqué complexa porque una de les sos carauterístiques ye’l coupage que fain en reminiscencia de les antigües aspiraciones de la bodega cola vinificación, mui comercial y asequible a tolos gustos.

Prebóse una sidre Henney´s  vintage 2012 de 6,5% una sidre con más calter, más al gustu de les nueses sidres con menos gas, con golor intensu a mazana y notes d’herba, sabor d’albaricoque o de frutes madures, una sidre que se presta p’acompangar con daqué entrante de xintar.

 

Pa finar, y dempués d’un gran periplu llegó una botella sidre de los Pirineos, xentileza de Daniel Pedrayes, presentada en botella 750 cc y cola siguiente nota tastia:

Corchu perbonu y llargu, quiciás llevaba muncho corchada y camiento que la tastia foia a la baxa (poles condiciones de conservación nel treslláu).

Llixera turbidez qu’indica que ye una sidre ensin calistrar, natural, con una burbuxa fina, quiciás corchada ensin tol procesu malolláctiru rializáu, lo que da un pocu d’aguya que resalta les notes de frutes maures, tantu n’arume comu en gustu, nótase predominancia de variedaes de cuchiellu.

Ye una sidre que mos paeció a cuasique toos mui comercial, con un llixeru dulcín que podríe englobala ente les semi, el so preciu ye correchu y en términos globales ye una sidre de nota medio alto. La espera pola botella foi etenra, pero pagó la pena esperar.

El martes dos de febreru tamién se degustó sidre checo y eslovaco, premiaes nel SISGA’14, al traviés d’Alberto encargáu de la Sidrería La Finca, en plenu bulevar de Gascona, que la dió a preba a dellos veceros a los que-yos prestó prebar nueves sidres estranxeres y dióse notoriedá del eventu al traviés de les redes sociales.

Manuel Gutiérrez Busto 

(Visited 2.465.608 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies