Inicio > AS > Eventos > Nueva ‘Sidroquedada’ en Madrid
Eventos

Nueva ‘Sidroquedada’ en Madrid

Nesta ocasión féxose nel restorán Playa de Riazor 

El vienres 4 de payares llevóse a cabu una nueva ‘Sidroquedada’ en Madrid, nel restorán Playa de Riazor, al pie de la plaza Mayor. Abrióse l’acesu a los salones de magar les 21:30 pa cellebrar el bon ambiente sidreru madrilanu. Sigún despliquen los entamaores ye una forma de conocer xente “a l’asturiana” con unos bonos “culinos de sidre”. La sidre foi suministrada direutamente dende la plataforma de distribuición y vienta d’esti productu en Madrid: SidreySidres.

“Como siempres, pa xunir más el grupu y esfrutar de la compañía ensin esmolecese de la comida nin de la sidre, fiximos una espicha cena en grupu. Nun hebio qu’esmolecese por cuántes botelles tomemos y la comida acompangó abondo pa nun perxudicase” siñalen na so páxina web http://www.sidroquedada.com y como despliquen la entrega del Pasaporte Sidreru Oficial” foi na entrada del llocal. Ellí abonáronse los 25 € en puertr o 20 € enantes del díi del eventu si se mercó la entrada online–.  La espicha cellebróse de forma privao fasta’l términu de la fiesta asturiana. Darréu abrióse la sesión Post-SidroQuedada pa “tomar dalguna qu’otra copa”. A esta última sesión amestárense más amigos.

 

Les ‘Sidroquedadas’ nacieron a finales del 2002 y según esplica l’asociación: “A raiz de qu’en Madrid había enforma sede de sidre como na ‘tierrina”’ y decidió empecipiase cola andadura de la organización. Les primeres ediciones punxéronse los pilpayos de lo que son agora estos eventos. Realizábense, como muncho, una vegada al mes, rexuntando a lo sumo 20 ó 30 persones. Adulces, gracies a la boca a boca de los asistentes y al esfuerzu de tol equipu de trabayu, fueron teniendo más ésitu lo que fixo qu’anguañu convirtiérense nel másimu referente festivu astur fuera del país”.

(Visited 635.950 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies