Inicio > AS > Noticies > Nueva investigación del SERIDA sobre la magaya
Noticies

Nueva investigación del SERIDA sobre la magaya

L’oxetivu del estudiu ye evaluar, dende un puntu vista nutricional y funcional, los cambios producíos na magaya formentao con estremaes especies de llevadures.

LA SIDRA.- Belén Suárez, Roberto Rodríguez y Rosa Pando de la Fastera de Teunoloxía de los Alimentos del SERIDA fixeron una investigación sobro la magaya orientada a incrementar los estudios esistentes pal emplegu d’esti subproductu nel campu alimentariu. Los especialistes señalen que n’Asturies desendolquen la so actividá alrodiu d’un cientu llagares que se dediquen cuasique de manera esclusivo a ellaborar sidre natural. Esti seutor orixina una importante cantidá de residuos, como la magaya, cuyu volume estímase nunos 9 millones de kilos.

Por embargu, diz l’artículu, “la magaya, lloñe de ser calificada como un residuu, debiere ser considerada como un subproductu con altu valor añadíu, por ser fonte de compuestos bioactivos con potencial pal diseñu d’aditivos naturales y alimentos saludables”.

 Por esti motivu los investigadores llevaren a cabu un proyeutu pa evaluara los cambios producíos en magaya formentao con estremaes llevadures autóctones dende un puntu nutricional y funcional. Lo sos resultaos “En resume’l formientu de magaya con llevadures autóctones incrementó’l conteníu en proteína, llípidos y fibra alimentario (…) Per ende, el formientu de la magaya, n’estáu sólidu, con llevadures autóctones pue considerase una vía afayaiza pa meyorar les carauterístiques nutricionales y funcionales d’esti subproductu de la industria agroalimentario”.

L’artículu completu pue consultase en http://www.serida.org/publicacionesdetalle.php?id=6364

(Visited 682.484 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies