Inicio > Llagares > Nueva imaxe corporativa de “Llagares de Siero”
LlagaresSidreturismu

Nueva imaxe corporativa de “Llagares de Siero”

El xueves presentóse’l nuevu imagotipu en Llagar Quelo, Tiñana.

LA SIDRA.- La xunión fai la fuerza. Eso opinen los doce llagares recoyíos so la marca “Llagares de Siero”.

Por ello decidieron cuntar col so propiu llogotipu, diseñáu por Chiwake Comunicación, que combina dos fautores bien importantes de la cultura sidrera: la botella y el pumar, xuniendo asina les idees de natura y sidre natural.

En tonos verdes y recreando la forma del árbol asturianu,  nel que’l tueru ye la botella, va utilizase nes señalizaciones de carretera pa indicar l’allugamientu de los llagares del conceyu.

La iniciativa xúnese a la presentación d’un folletu hai unes selmanes, nel que se recueye la hestoria de la mazana y la sidre, la ellaboración d’ésta ya información de los doce llagares, incluyendo semeyes, equipamientu, servicios, capacidá, premios y cómo contautalos.

Unos 2.000 exemplares fueron espublizaos y van tar disponibles nos mesmos llagares, la Oficina de Turismu del “Principado”, istalaciones municipales y fasteres comerciales.

Los llagares incluyíos nesti folletu son los siguientes: Arbesú, Corzo, Quelo, Fanjul, Fran, Juanín, La Morena, Los Bayones, Muñiz, Torre, Viuda de Palacio, Casería San Juan del Obispo, Fonciello y Roza.

http://www.ayto-siero.es/recursos/doc/El_concejo-de_siero/Informacion_turistica/40847_46462012184222.pdf

(Visited 2.466.114 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies