Inicio > Cultura sidrera > Novedaes pal Salón Internacional de les Sidres de Gala
Cultura sidreraEncamientosEncamientosEventosEventosGastronomíaInternacionalLlagaresLlagaresSidreturismuSISGATastiesTasties

Novedaes pal Salón Internacional de les Sidres de Gala

El VIII Salón Internacional de les Sidres de Gala cellebraráse del 28 al 30 setiembre y cuntará con interesantes novedaes.

LA SIDRA.- Cuando falten menos de dos meses de la cellebración del VIII SISGA yá pue confirmase la esitencia de múltiples novedaes que fadrán d’esta edición una de les más sobrosalientes.

En primer llugar, confírmase una perimportante participación de los meyores llagares internacionales, destacando una significativa presencia de llagares de los EEXX, asina como d’importaores d’esi mesmu país interesaos en conocer los productos que se presentarán nesta ochava edición del SISGA.

Asina mesmo, tamién s’espera cuntar con representantes institucional d’otres ciudaes sidreres; siendo tamién de destacar la presencia de blogueros internacionales y l’afayamientu d’una oficina específica empobinada a facilitar y a tresmitir información en tiempu rial.

El Xuráu Internacional, nel que tendrá presencia un representante de ca llagar participante, aconceyará’l vienres 28 setiembre nel Llagar Castañón, y fallará los prestixosos Premios SISGA

La Cena Gala, nel trescursu la cuala procederáse a la entrega los Premios SISGA tendrá llugar el vienres 28 setiembre nel Restorán BellaVista de Xixón, onde se tendrá la oportunidá d’harmonizar les orixinales propuestes gastronómiques del so xef con una perimportante variedá de sidre internacional que sosprenderán como davezu a los más avezaos amantes de la sidre y la bona mesa.

En cuantes a la Xornada de Tastia Abierta -que se cellebrará’l sábadu 29 setiembre na Colexata San Xuan Bautista n’horariu de 12 a 21 hores-non solo caltendrá un preciu simbólicu -6 €- sinon que duplicará la so estensión p’acoyer a los nuevos expositores, cuntará con un espaciu específicu pa la rialización de tasties guiaes y ta previsto cuntar con dalguna otra sospresa que dirá confirmándose más alantre.

La Espicha de Xermandía, tendrá llugar esa misma nuechi del 29 setiembre nun llagar xixonés entá por determinar, y esfrutarán de la mesma tolos participantes nesti VIII SISGA

Per otru llau, la Xornada de Sumilleres, tornará a rializáse nel Restorán El Duque en xornada de mañana, y pa la participación na mesma sedrá imprescindible acreítación previa dao la especificidá del eventu.

Pa facer too ello rialidá, sedrá perimportante’l llabor de voluntariáu, anunciándose la prósima apertura del rexistru de voluntariáu, que collaborarán nel bon resultáu d’esti VIII SISGA, y que, por supuestu, sedrán oxetu d’especial atención por parte de la organización.

Hai de remembrar qu’el Salón Internacional de les Sidres de Gala ta entamáu pola Fundación Asturies XXI y cunta col sofitu de Divertia, la Conseyería de Desendolcu Rural y de la Caxa Rural de Xixón.

 

VER SEMEYES DE LA EDICIÓN ANTERIOR

(Visited 2.466.483 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies