Inicio > Eventos > Novedaes nel Campionatu Oficial d’Echaores
Eventos

Novedaes nel Campionatu Oficial d’Echaores

Van introducise nuevos requisitos y baremos de puntuación nel prósimu certame.

LA SIDRA.- “Los participantes non sólo tendrán de saber echar sidra”. Asina lo manifestó Javier Martínez, vicepresidente de Otea (Asociación d’Hostelería y Turismu d’Asturies), demientres la entrega premios de la XXIV edición nel Muséu de la Sidre de Nava.

L’asociación va trabayar conxuntamente cola DOP Sidra d’Asturies por que’l concursu valore tamién la conocencia del produtcu, la so temperatura, almacenaxe y comercialización. L’oxetivu de dichos cambeos ye actualizar el concursu y afayalu al llabor de los profesionales del echáu.

Pela so parte, Enrique Tuya, cordinaor del campionatu entamáu pola Asociación d’Echaores, reivindicó un llugar destacáu nel Muséu de la Sidre para los ganaores, a lo que l’alcalde de Nava, Juan Cañal comprometióse pa l’añu prósimu.

Salvador Ondó, conocíu como “El Caballeru Escuru”, tornó a quedar campión d’Asturies d’echáu per tercer vegada, tres les sos vitories de 2014 y 2016, con una puntuación final de 189 puntos.
Ondó aseguró que les claves del so ésitu son la costancia y el trabayu y defendió la’aniciud’una escuela d’echaores que forme a profesionales seria y rigurosamente.

El restu los clasificaos fueron Jeison Franco, Wilkin Aquiles, Jorge Vargas, Jonathan Trabanco, Alberto Truchado, Pablo Álvarez, Alejandro Morillo, Adrián Paredes y Marcos Ramos.

(Visited 2.467.228 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies