Inicio > Internacional > Nietos de Asturias
InternacionalLlagares

Nietos de Asturias

L’empresa rescata la hestoria y tradición de la mazana en México por aciu la produición de sidre.

LA SIDRA.- La hestoria mexicana de la sidre y los pomares documéntase dende la fundación de la Ciudá de Puebla, llevada pola Orde Franciscana, cuya so economía básase nel ciclu de vida del produtcu, por mediu de granes y ensiertos de pumares.

En 1531 la ciudá recibió’l títulu de “Pola de los Ánxeles”, nomamientu que concedía a los poladores tierres a perpetuidad y granos pa la llantadera. Ésto facilitó la proteición ya impulsu d’antigües tradiciones como’l cultivu de la mazana y l’ellaboración de sidre n’América.

Nietos de Asturias naz en 2006 en Ciudá de Puebla n’adquiriendo l’antigua fábrica de Manzanita Zacatlán, cuya produición de bébores formientaes y sidre ye tradicional dende 1935.

L’empresa fae y viende gran variedá de produtos rellacionaos cola sidre y los sos derivaos: los destilaos Puommarada, y de solera Trasgu y Trasgu con Mazana; les sidres esplumoses Sikera d’Artimora y Sikera de Mazana, asina como les ensin alcol Puommo de Mazana y Puommo Artimora; les sidres formientaes Ámbar, Ámbare Patona, Rosada, Patona Rosada, Marqués d’Asturies, Marqués d’Asturies Rosada y una variedá de sidre natural; Crema de Llicor de Mazana; produtos gourmet como la marmiellada de sidre y la de mazana y canela; y tés de mazana y canela y té negro de mazana y llimón.

Nietos de Asturias ufierta los sos productos a mayoristes y tamién a particulares, así como visites guiaes nes sos istalaciones, tasties y un muséu cola hestoria de la sidre, el ferrocarril y la mazana.

(Visited 683.465 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies