Inicio > Cultura sidrera > N’An Oriant, Asturies marca’l ritmu
Cultura sidreraEventosEventosInternacionalSidreturismu

N’An Oriant, Asturies marca’l ritmu

Asturies torna esti añu la delantera en programación cultural na so carpa del Festival Intercélticu d’An Oriant (Lorient).

LA SIDRA.- Asturies ta dimpuesta a compensar l’ausencia de carpa na edición pasada del Festival Intercélticu d’An Oriant con una ufierta lo más variao que combina a la perfeición cola programación principal.

Asina, Melandru ye’l grupu encargáu de dar la nota na carpa, con dos pases diarios pela tardi. Pero nun queda too ehí.

Esti llunes, la carpa d’Asturies encabezada por Jesús Adrián Rodríguez Álvarez col sofitu la Oficina Turismu d’Asturies tendrá’l so primer díi de programación intensivo. Pela tardi, abriráse un micrófonu pa tolos artistes asturianos que quieran midir el calor de los escenarios bretones, pa siguir a les 17:30 cola presentación del VIII SISGA (Salón Internacional de les Sidres de Gala) por parte de la delegación de LA SIDRA, con una tastia de sidres internacionales que refuercia’l papel d’Asturies comu país de cultura de sidre por escelencia, propia ya ayena.

Pola nuechi, pa nun perder l’horariu asturianu, faeráse una espicha tradicional dende les 23 fasta’l pieslle’l festival. ¡Un díi pa  nun escaecer!

(Visited 2.464.817 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies