Inicio > AS > Encamientos > Multitudinariu brinde con Sidre d’Asturies esplumoso
EncamientosEventosTasties

Multitudinariu brinde con Sidre d’Asturies esplumoso

Más de mediu millar de presones protagonizaron ayeri na Plaza l’Arruelu d’Intu Asturies, un brinde de la man de la DOP “Sidre d’Asturies”.

LA SIDRA.- Con esti brinde con sidre esplumoso DOP,  Intu Asturies da l’afayaivos oficialmente a la temporada navidiega, coincidiendo col prendíu del allumáu y del arbolón nel cientru comercial. Al brinde asistió María Jesús Aguilar, direutora xeneral de Desendolcu Rural y Agroalimentación; Daniel Ruiz, xerente de DOP Sidre d’Asturies; Angel García, alcalde de Siero y representantes d’Intu Asturies.

Arriendes d’ello, los primeros quinientos visitantes recibieron como regalu una botella de dalguna de les marques de sidre esplumosa con DOP: El Gaitero etiqueta negra, EM, Poma Áurea, Pomarina, Prau Monga y Solaya.

Daniel Ruiz, xerente de DOP Sidre d’Asturies amosó la so satisfaición pol ésitu del eventu, y agradeció la presencia a toles presones qu’asistieron al mesmu, “dando l’afayaivos a la Navidá d’Intu Asturies con un productu cien por cien asturianu, natural y de gran calidá, como ye la sidre esplumoso con denominación d’orixe Sidre d’Asturies. Asina mesmo animó a qu’estes navidaes hebia un plus de calidá y d’asturianía na mesa, y anunció asina mesmo que con esti brinde tamién entama la campaña de promoción del Conseyu Regulaor DOP Sidre d’Asturies, la ochava edición del Asturies Sidre Brut.

(Visited 2.465.726 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies