Inicio > Chigres > Montera Picona y Parrilla Ramón. A la gueta del echáu perfechu.
ChigresEncamientos

Montera Picona y Parrilla Ramón. A la gueta del echáu perfechu.

Dambes sidreríes rexentaes por Emilio Rubio, na so idega de dar un tratu preferene a la sidre, foron recnocíes pola Asociación d’Echaores d’Asturies por permitir que los sos echaores participen nos estremaos concursos.

LA SIDRA.- Toos coinciden no mesmo. Veceros, llagareros fasta inclusu’l Conseyu Regulaor de la DOP, tan comencíos de qu’hai d’apostar por un bon echáu de calidá. Eso ye lo que fain tanto na Montera Picona como na Parrilla Ramón. Y asina-y lo reconocíó l’Asociación d’Echaores d’Asturies que, demientres la entrega premios del XXIV Campionatu Oficial d’Echaores d’Asturies, cellebráu’l pasáu mes nel Muséu de la Sidre de Nava, fízo-yos entrega d’un diploma p’agradece-yos la so participación na edición d’esti añu y l’esfuerciu que fain por dexar a los echaores qu’acudan a los concursos.

La iniciativa d’Emilio Rubio –conocíu popularmente como “Ramonín”- propietariu de dambes sidreríes, de dexar que los sos emplegaos participen nos campionatos ta perbien vista por Daniel Rúiz, xerente del Conseyu Regulaor de la DOP Sidre d’Asturies, porque ye nidio que los chigreros tienen que ser “da-y puxu a la calidá de la sidre y nun hai meyor forma de faelo qu’al traviés de profesionales del echáu. Per ende, tienen que ser los primeros en querer alos meyores, aidándolos pa que puean participar nesta triba concursos, porque sofitamos tolo que seya apostar por profesionalizar el mundiu la sidre y, nesti casu, tolo que suponga una mayor calidá bienvenío seya y paga la pena emponderar l’esfuerciu que fain por lliberalos pa que participen”. Ye importante que ca vegada “hebia más y meyores echaores n’Asturies”.

VER ARTÍCULU COMPLETU

(Visited 2.464.750 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies