Inicio > AS > Noticies > Medalles pa Trabanco en Michigan
Noticies

Medalles pa Trabanco en Michigan

El concursu ta consideráu ún de los principales certames sidreros.

 

LA SIDRA.- Trabanco participó nel Great Lakes International Cider and Perry Competition (GLINTCAP), xunto con otres 500 sidres de tol mundiu, algamando cuatro medalles, de plata a Trabanco Cosecha Propia y Poma Áurea, y de bronce a Avalon y Llagar de Camín.

 

Esta selmana llegaron les medalles dende los Estaos Xuníos a Asturies y llucen colingaes de les sos correspondientes botelles a la vera les pumaraes, cargaes de frutos y a la espera de ser pañaes.

 

Con esta reconocencia Trabanco amiesta un nueu ésitu internacional esti añu, trunfando en Frankfurt –ónde tamién tuvo LA SIDRA– consiguiendo’l premiu “Pomme d´Or 2016” nes categoríes Sidres Esplumoses –Sparkling Apple wince cider– y Sidres de Postre  –dessert cider–.

 

Per otru llau ye la segunda vegada na so curtia hestoria qu’Avalon ye premiada nun concursu de prestixu daqué que sigún Eva Trabanco, “da fuercies y puxu, permítemos comprobar qu’esa llinia qu’abrimos tien el so público, daqué que comprobemos mesmamente n’Asturies, onde vendiemos 2.000 botellinos en namás unos díis nel Festival de la Sidre de Xixón”.

(Visited 795.416 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies