Inicio > AS > Noticies > Más problemes pal Muséu de la Sidre
Noticies

Más problemes pal Muséu de la Sidre

La entidá nun va poder siguir alantre col recursu sobro les indenizaciones a dos trabayadores darréu que’l xuez nun lu almitíó a trámite.

LA SIDRA.- El maxistráu que xulga’l casu de les indenizaciones y de de la rescisión del contratu de dos trabayadores del Muséu de la Sidre nun almitió a trámite un recursu de la Fundación de la Sidre. Pa poder siguir con dichu recursu, ye preciso que la entidá conseñe 68.000 euros pa poder recurrir la sentencia. Pero nun hai perres, asina, que nun hai recursu. Énte esta situación l’alcalde de Nava y presidente de la Fundación, Juan Cañal, solicitó una xunta urxente col padronatu del muséu pa poder llegar a un alcuerdu colos trabayadores.

A entamos d’esti añu los trabayadores del Muséu de la Sidre tomaron la decisión de llevar énte la xusticia la so situación llaboral. Dellos meses d’impagos faíen insoportable la so situación nel centru. La Fundación de la Sidre, que dirixe’l muséu, solicitó un creitu pa poder paga-yos. Dos de los trabayadores siguieron el so procesu pela vía llegal demandando la rescisión del so contratu polos continuos retrasos que sufríen nos sos llibramientos. A finales de xunu, una sentencia llegal dio-yos la razón ya indica que se-yos tien d’abonar 68 mil euros a dambos pola rescisión del contratu.  

(Visited 2.464.534 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies