Inicio > Llagares > Más garantíes al llabor de la DOP
Llagares

Más garantíes al llabor de la DOP

Güei tuvo llugar en Villaviciosa la presentación de la concesión de l’acreitación ENAC al Conseyu Regulador de la Sidre acoyío a la Denominación d’Orixe

LA SIDRA.- El pasáu díi 19 de xunu de 2020 la Entidá Nacional de Acreditación (ENAC) comunicó al Conseyu Regulador de la Denominación d’Orixe Protexía Sidre d’Asturies la concesión de la acreditación d’esti organismu pa l’actividá de certificación de productu. Un fechu que supon la culminación d’un llargu procesu que s’empecipió va cuatro años.

L’acreditación concedía ye reconocía y aceptada en más de 100 países de tol mundiu abriendo oportunidaes pa la vienta de la sidr3 asturiano nel estranxeru yá que ca vegada más ye riquida por organizaciones del seutor públicu y priváu en tol mundiu.

La normativa vixente obliga a tolos órganos de control de los Conseyos Reguladores europeos ―responsables de la certificación de los productos amparaos poles Denominación d’Orixe― a siguir les esixencies de la norma: XUNE-EN ISO/IEC 17065.

“Cuntar cola acreditación de ENAC supon superar un procesu d’evaluación rigorosu, conforme a normes internacionalmente reconocíes, que demuestra la competencia ya independencia téunica del Conseyu Regulador pa rializar l’actividá de certificación de les sidres asturianes, demostrando que’l nivel d’esixencia que s’aplica a los llagares y productos acoyíos ye uniforme, constatable y verificable por terceros” indicó la DOP Sidre d’Asturies.

(Visited 2.464.300 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies