Inicio > AS > Llagares > Asturies > Más de 3.000 participantes nel rally de la sidre
Asturies

Más de 3.000 participantes nel rally de la sidre

Con 2.244 participantes inscritos, y cientos d’ellos que participaron “por llibre”, el rally de la sidre ye agora mesmo un referente sidreru fundamental.

LA SIDRA.- Les fiestes de San Felis entamaron ayeri col yá tradicional rally de la sidre que tornó a superar el récor de participantes nesti impresionante “De Culín en Culín”. Munches camisetes blanques y ropa de mahón, y munchu foriatu ente los participantes nesti eventu sidreru.

La organización repartió llotes de sidre y bollos preñaos, y la marcha fexo les avezaes paraes demientres el percorríu, cola fanfarria de Pepe’l Chelo de cabezaleros. La marcha finó nel parque Les Conserveres onde se celebró un conciertu de rock.

Ye de remembrar qu’hai unos años, intentóse dende l’Ayuntamientu Carreño prohibir esti festexu, colos avezaos argumentos del “alcohol y el botellón”, por embargu, el sentíu común y el sofitu popular consiguió torgar l’afogadín represivu de la Casa Conceyu, p’allegría de la sidre y los sos amantes

 

(Visited 2.467.251 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies