Inicio > Chigres > Martiniegu en Gascona
ChigresEventosGastronomíaSidreturismu

Martiniegu en Gascona

El prósimu 26 de payares tendrá llugar na mui sidrera Gascona, la II Feria d’Embutíos Artesanos Asturianos.

LA SIDRA.- El bulevar de la sidre carbayón torna a defender una vuelta más, la ellaboración artesano, l’emplegu rural y el mercáu de prosimidá de productos asturianos.

En plenu Samartín, Gascona toma la iniciativa con esti mercáu Martiniegu nel que participen los meyores artesanos qu’ellaboren embutíu asturianu: Gancedo, Casa Milia, Maybe, Pico de Fiel, El Pedregal, Embuastur, El Horreo, Santulaya, La Vega de San Julián,  El Cuco y la Indicación Xeográfica Protexía Chosco de Tinéu.

El Martiniegu entamará de magar les 11 la mañana del domingu 26 de payares, y complementándolu, los chigres de  Gascona ufiertarán la “gran cazuelada de picadillu”, que servirán en cazuela barru, enllena picadillu con pan de chapata y pinchu.

Arriendes d’ello, nos prósimos díis, de xueves a domingu, toles sidreríes tienen carta especial de platos dde les xornaes gastronómiques del “Martiniegu San Martin” nes qu’ufierten estremaos productos, chorizos, morcielles, sabadiegos, choscu, picadillu, tocín, llombu, compangu, y carnes procedentes del gochu n’estremaes ellaboraciones.

La música tradicional de la bandina la Xarangana pondrá les notes musicales nel meudíi del domingu en Gascona, que tien el propósitu de dar continuidá añal a la tercer feria d’embutíos asturianos, cuya calidá y popularidá tresciende les llendes del país y costitúin una seña d’identidá de l’alimentación y gastronomía d’Asturies

Sidreríes que participen: La Pumarada, La Cabana, El Corralín, La Noceda, El Pigueña, La Manzana, Tierra Astur Gascona, Tierra Astur Parrilla, Villaviciosa, La Finca y el Ferroviario.

(Visited 2.464.652 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies