Inicio > AS > Noticies > Los Siceratores nel Muséu de la Sidre
Noticies

Los Siceratores nel Muséu de la Sidre

La Bona Confradería de los Siceratores, siempres implicaos col Muséu de la Sidre de Nava, yá cunten con un espaicu propiu nel mesmu.

LA SIDRA.- En frente del panel dedicáu a los cancios de chigre, y al llau del tonel que simboliza la xuntanza de tolos llagares que los siceratores acupen una paré na que pue lleese’l so xunta la escultura de gran tamañu d’un echaor  -fecha en maera pol escultor navetu d’adopción Guillermo Lourido-,  vestíu col fatu tradicional de los confráderes, capa de llana y terciopeulu d’algodón de collor verdi y doráu en representación de la botella y la sidre, y la montera marrón de llana.

Prósimamente preténdese que tamién los echaores cunten col so propiu rincón nel Muséu de la Sidre de Nava, conforme bien reclamando dende cuantayá Enrique Tuya, cordinaor del concursu oficial d’echaores d’Asturies.

Como ye persabío, tanto la Bona Confradería de los Siceratores, como los entamaores del concursu oficial d’echaores de sidre son dende un entamu terrios defensores del Muséu de la Sidre de Nava, pal que reclamen una viabilidá económica y un papel de dinamización de la cultura asturiana de la sidre, acullá de quie se convierta nun ellementu residual o lo que quiciavis seya pior, nuna “disneilandia” de la sidre pa turistes despistaos.

Ello asina, l’espaciu dedicáu a los Siceratores supón un sofitu al so llabor, y un apueste por un Muséu de la Sidre renováu, con proyeición y futuru.

(Visited 821.601 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies