Inicio > Llagares > Los secretos de la sidre’l duernu
LlagaresTasties

Los secretos de la sidre’l duernu

El Muséu de la Sidre de Nava acoyó esta fin de selmana una nueva xornada d’ellaboración de sidre casero.

LA SIDRA.- La Casa Conceyu de Nava, en collaboración cola Asociación Sierense d’Amigos de la Mazana y l’Asociación Sidre Casero de Piloña, entamó’l sábadu una xornada formativa sobro sidre casero.

Na sesión trataron temes rellacionaos cola hestoria del pumar, la sidre pasteurizao, la climatización d’un llagar y les plagues de les pumaraes.

Esta vegada, como novedá, escuchóse la propuesta de tratamientu de la sidre’l duernu paque dure tol añu, o inclusive delles temporaes.

La charra tuvo al cargu d’Antonio Fernández, sociu del Clú d’Amigos de la Mazana, que suxurió’l métodu del “bañu maría” pa consiguir que la sidre’l duernu caltene mientres más tiempu. El calor provoca que la sidre gane aguya a una temperatura de 65-70 graos. Y si ésta calezse más, aumenta’l so dulzor hasta consiguir un sabor de mazana asada al llevala a ebullición.

Per otru llau, Avelino Fuentes, productor y miembru de l’Asociación de Sidre Casero de Piloña, trató la so charra sobro l’usu de la teunoloxía na ellaboración de sidre’l duernu.

(Visited 2.465.435 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies