Inicio > Chigres > Los chigres reinvéntense
Chigres

Los chigres reinvéntense

Les nueves restriciones sanitaries fain que los chigres busquen nueves formes de continuar el so llabor

LA SIDRA.- Si yá destacáremos otres vegaes l’espiritu d’inovación y la orixinalidá de la que fixeren gala los chigres asturianos demientres la primer fola del andanciu del Covid19, esti segundu mediu confinamientu que vien de decretar el “Principado” ta faciendo que seyan munchos los establecimientos qu’ufierten los sos productos pa llevar, o inclúsu llévenlos ellos a domiciliu, dende’l menú del díi a cualisquier de los platos qu’apaecen na so carta; lo qu’arriendes de suponer un respiru económicu pa los establecimientos, cumple una perimportante función social, darréu que son munches les presones que dependen del menú del díi pa la so vida diaria.

Dende la revista LA SIDRA faláremos nel so momentu del nulu sofitu al seutor sidreru per parte del “Principado”, y contraponíemoslu al casu vascu, cuyu gobiernu apurrió 50 millones n’aídes a los sos llagares -yá na llamada primer fola-. Agora que torna a tar d’actualidá por mor de les restricciones sanitaries, tornamos a desixir un sofitu al seutor, destacando que, por nun falar yá del País Vascu o Cataluña, la comunidá de Murcia vien d’aprebar 40 millones n’aídes al seutor hosteleru afeutáu poles restricciones sanitaries, de tala miente que ca hosteleru recibirá ente 3.000 y 10.000 € de forma direuta y a fondu perdíu -sigún númberu trabayaores- 

 N’Asturies seguimos esperando por daqué asina pa los chigres asturianos ¡Y eso que’l “Principado” declaró Bien d’Interés Cultural la cultura asturiana de la sidre!!

Como collaboración colos chigres afeutaos, dende LA SIDRA, al igual que fiximos colos llagares,  facilitaremos un llistáu colos chigres qu’ufren los sos productos a domiciliu, llistáu que diremos actualizando pasu ente pasu, agradeciendo tola información que mos permita completalu lo meyor posible.

(Visited 916.011 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies