Inicio > Cultura sidrera > Llevanta la Sidre DOP pa llevantar Asturies
Cultura sidreraDellosEncamientosLlagaresSin categoría

Llevanta la Sidre DOP pa llevantar Asturies

 ¿Por qué nun esfrutar y compartir la Sidre DOP dende casa? ¡Xúnite a l’aición de sofitu a pumareros, llagareros y chigreros  asturianos!

LA SIDRA.- Dende va dos selmanes el Conseyu Regulador punxo en marcha’l movimientu “llevanta la Sidre DOP pa llevantar Asturies” al traviés de redes sociales, con oxetu de sofitar y visibilizar el trabayu de los pumareros, llagareros y chigreros asturianos, que ven gravemente afeutada la so actividá por mor de la cris global del Covid-19. Una aición que promueve la llucha polo nueso (productu asturianu 100%), consumiendo sidre con denominación en casa.

Trátase d’una iniciativa que recueye’l testigu del movimientu “Sidra Challenge” nacíu fai 3 años, y que cuntó con destacaes figures asturianes del mundiu del espeutáculu, l’esporte y la cultura, so un denominador común: rescamplar un de los valores más amestaos a la cultura asturiana por mediu del so símbolu por escelencia: la Denominación d’Orixe Protexíaa Sidra d’Asturies (con mazana 100% asturiana), al traviés de’una de les sos señes diferenciadores, l’echáu.

Demientres estos díis fueron munchos los mensaxes de sofitu dedicaos al seutor sidreru,  un de los colleutivos más castigaos pola cris del Covid-19, por cuenta de la so alta dependencia de la hostelería, y qu’afeuta de manera directa a los llagareros asturianos.

L’humorista Alberto Rodríguez, la surfista Lucía Martiño, la bloguera Isabel Llanu (Isasaweis), la ciclista de montaña Rocío Gamonal, el fubolista Javi Fueu, el ciclista Iván G.Cortina, el cantante Rodrigo Cuevas, l’illusionista José Armes y la productora Zebrastur como collaboradora, ente otros, fueron munchos de les cares conocíes que yá s’amestaron al retu y que dexaron el so rastru nes redes echando. Otros, tán nominaos esperando la so vez: el cocineru José Andrés, David Villa, Juanma Castañal, Diego Cervero, Carmona, Iván Iglesias, David Feito, Anthony Blake…

El mesmu consiste en:

–  Grabase (o faese semeya) echando un culete de Sidra con Denominación d’Orixe Protexía.

–  Nomar a 3 amigos qu’acepten el retu.

– Xubilo a les canales de Redes Sociales colos hashtags: #LlevantaLaSidreDOP #Etiquetina #SidreDOPEnCasa #AlimentosDelParaiso…

 

 Ye hora de tirar polo nueso, por ello, acepta’l retu, consume sidre con denominación y engabita a pumareros, llagareros y chigreros asturianos… ¡dende casa!.

Llanza’l to mensaxe d’ánimu nesta dómina difícil. ¡Yá somos más de 200!.

(Visited 2.464.948 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies