Inicio > Eventos > Legacy Irish Cider, medalla d’oru na Copa de Sidre Artesano de Dublín d’esti añu
EventosInternacionalLlagares

Legacy Irish Cider, medalla d’oru na Copa de Sidre Artesano de Dublín d’esti añu

Foi gallardonada na prestixosa Feria de Productos Artesanos Allteck nel Cientru de Convenciones de Dublín.

LA SIDRA.- Legacy Irish Cider, una compañía con namás un añu nel mercáu, foi premiada cola medalla d’oru na Copa de Sidre Artesano de Dublín 2018.

Liam McDonnell, llagareru de Dungarvan, condáu de Waterford, ta emocionáu col premiu: “Tamos encantaos con esti gallardón, yá que supon una reconocencia a tol nuesu esfuerzu na ellaboración de la nuesa sidre. Anguaño tamos probando amiestos pa ellaborar una nueva sidre que cuntamos sacar esti añu al mercáu”.

Liam entama que Legacy, que tuvo recibiendo escelentes crítiques per parte de blogueros de too el mundiu, tea disponible esti añu en Cork, Dublín, Galway y el Condáu de Wexford.

N’abril Legacy Irish Cider va ser presentada nel Cider World ’18 de Frankfurt, xuntu con otres ocho sidres d’Irlanda. Cider Ireland, un grupu de collecheros de mazana y llagareros allegaos, van ser los invitaos d’honor demientres l’eventu.

(Visited 2.464.681 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies