Inicio > AS > Noticies > La Xunta Xeneral apreba por unanimidá la promoción de la sidre
Noticies

La Xunta Xeneral apreba por unanimidá la promoción de la sidre

La iniciativa foi presentada por Foru, que pide al Gobiernu asturianu que-y dea puxu ensin demoranza les aiciones pa sofitar la sidre tradicional y esplumoso. 

LA SIDRA.- La presidenta de FORO, Cristina Coto, defendió güei nel Plenu de la Xunta una Proposición non de llei plantegada pol so grupu parllamentariu sobro l’adopción de midíes pa la promoción y fomentu del consumu de la Sidre d’Asturies.

Tres la so aprobación por unanimidá, Cristina Coto manifestó que “la sidre asturiano axunta toles cualidaes de tradición, popularidá, consumu saludable, criación d’emplegu, aportación de valor amestáu, afitamientu del seutor de restauración, fechu cultural diferencial y atractivu turísticu pa merecer muncha más atención del “Principado”.

Coto amestó que “vamos tar de norabona n’Asturies si, aprebada pola XXPA la propuesta de FORO, agora’l Gobiernu da puxu ensin demoranza toles aiciones previstes pa sofitar y promocionar la sidre natural y esplumoso asturiana”

Les midíes aprebaes a propuesta de dichu partíu políticu son:

1.    La ellaboración cola mayor urxencia d’un Plan de Promoción publicitario de la Sidre d’Asturies, tanto natural como esplumosa, con especial atención a la campaña navidiega p’aguiyar el consumu de la Sidre d’Asturies natural y esplumoso (o brut, o con burbuyes) cofinanciada coles empreses y les Asociaciones del seutor productor.

2.    La puesta en marcha, al traviés de los servicios propios del “Principado”, d’un Plan de Comunicación istitucional sobro les cualidaes de la Sidre d’Asturies, tanto natural como esplumosa, p’aumentar la so presencia nos espacios informativos, nos programes de divulgación y nes páxines especializaes, tantu de televisión, como de radiu, prensa o internet, convidando a participar   y protagonizar el mesmu a la Xunta Xeneral del Principáu d’Asturies, a les trés Cámares de Comerciu d’Asturies y a la Federación Asturiana d’Empresarios (FADE).

3.    Y por último una puesta en contautu tantu con RTPA como RTVE pa que nes sos cadenes de televisión y radio públiques establezan un Manual d’estilu sobro’l tratamientu informativu de les bébores tradicionales, con especial atención a los espacios dedicaos a les fiestes de Navidá, pa qu’incluyan les tradicionales sidres natural y esplumosa asturianes, n’evitación de cualisquier efeutu discriminatoriu, al traviés de la publicidá encubierta, con cualesquier otra bébora nacional.

(Visited 2.464.867 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies