Inicio > Sin categoría > La Universidá d’Uviéu investiga sobro les aves de les pumaraes
Sin categoría

La Universidá d’Uviéu investiga sobro les aves de les pumaraes

El proyeutu, que llogró una ayuda del BBVA, va identificar les especies d’insectos y plantes que comen les aves protectores de les plagues nes pumaraes

Semeya cedida por ©FundacionBBVA

LA SIDRA.- El proyeutu “Especies clave para servicios ecosistémicos retroalimentaos n’agroecosistemes (ClaveSER)”, presentáu pola Universidá d’Uviéu en collaboración col SERIDA y SEO/BirdLife, llogró una de les 25 Ayudes a equipos d’investigación científica de la Fundación BBVA. L’oxetivu d’esti trabayu ye identificar especies particularmente importantes por apurrir funciones ecolóxiques que tienen una repercusión direuta en cuestiones fundamentales pal ser humanu.

Alredior de les pumaradas crecen sebes, sebes vives monteses, y tamién collinden montes autóctonos, onde hai munches especies d’árboles y parrotales con frutos carnosos. Estes finques de pumar tienen una comunidá d’aves bien diversa, la gran mayoría insectívora que s’alimenta de plagues de pumar (por casu, pulgones y guxanos de la mazana). “Sabemos qu’hai munches especies d’aves insectívores monteses qu’exercen un papel real como protectores del cultivu escontra les plagues”, señala Daniel García, l’investigador principal.

Estes aves tamién s’alimenten de los frutos de les sebes, cuyes sos granes defequen darréu y faen que furrule’l ciclu de rexeneración de les plantes, amás de dar puxu al caltenimientu natural d’eses sebes, que, pa cerrar el círculu, son un hábitat protector pa les aves. “Son controladores de plagues y esvalixen granes”, añede. “Nós queremos montar una rede d’interaiciones pa saber qué aves comen a qué insectos y a qué frutos de les sebes pa, darréu, identificar qué especies son más importantes pa les dos funciones que se retroalimenten”, desplica Daniel García.

(Visited 586.657 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies