Inicio > Internacional > La ‘Thermomix’ pa la sidre
Internacional

La ‘Thermomix’ pa la sidre

Una empresa estauxinidense saca al mercáu un lletrodomésticu pa ellaborar esta bébora.

LA SIDRA.- Demientres los años caberos púnxose de moda ellaborar les nueses propies bébores formientaes. Escomenzó a popularizase cola fabricación de cerveza artesano o “craft beer” a finales de la década del 2010. Los llamaos “kits” pa producila esperimentaren un ésitu rellativu yá que munches presones atoparon nellos una solución pa cuntar con una produición casero propio. Tamién pasó lo mesmo cola sidre, n’especial en países anglosaxones nos que beber sidre tamién ye avezao, anque claro, non como nel nuesu país.

 

Agora diose una vuelta tuerca más, bono, diérenla nos Estaos Xuníos. Alchema ye un argadiellu que diz poder ellaborar sidre de manera muncho más cenciello. Al estilu d’un robó de cocina. El so forrulamientu: metes nun recipiente qu’entre na maquinina, agresgues.y mazana, zucre, augua y formientu.. y yá tal. Al menos asina ye como se vende. Eso sí, hai d’esperar dos selmanes pa que formiente. Bono, tamién hai d’esclariar qe lo qu’ellos llamen “sidre” ye un conceutu más ampliu yá qu’afirmen que tamién pue producise con frutes como freses, zreces o piña. Y amás, too controlao con una App

Cierto ye que nun tien comparanza col tradicional procesu d’ellaboración de la nuesa bébora patria. Amás, nin que dicier tien que la produición de sidre casero en toa Asturies ye una de les manifestaciones más importantes de la gastronomía nacional, Namás hai de ver la cantidá de concursos que tan teniendo llugar nestes feches. Sicasí, nun dexa de ser una amuesa de cómo la sidre ta ganando terrenu como bébora a nivel mundial. Equí l’enllaz de youtube nel que s’amuesa l’aparatu. Ah, cuesta sobro unos 400 €. https://www.youtube.com/watch?v=vJdzjy3ZJFs

(Visited 668.004 times)

Dexa una rempuesta

La so direición d'email nun sedrá espublizada Campos obligatorios marcaos con *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies