Inicio > AS > Noticies > La sidroteca
Noticies

La sidroteca

Asitiada en Nava, ufre sidre d’estremaos llugares del mundiu

LA SIDRA.- Bar La Naveta escoyó un Festival de la Sidre, de va 5 años p’abrir les sos puertes con ganes y marcando la diferiencia nel coral de la villa de Nava. Ana Emilia Ordóñez, la so porpietaria, lleva sangre sidrero nes sos venes y quería ufrir nel so bar, arriendes d’otres bébores, sidre, pero d’una manera distinto. Por ello escomenzó con sidre brut DOP comu Prau Monga y Emilio Martínez y de xelu, de Vda de Angelón y Panizales. Pocu a pocu, escomenzó ampliar la ufierta sidrera, dando un saltu haza’l vermú de sidre y sirviendo marques comu Amestao y Roxmut (Castañón).

 

Tiempu dempués decidió trespasar fronteres y ufrir tamién sidre del restu d’Europa. Anguañu ufre dos ingleses: Sheppy´s y Green Goblin y una alemana: Gold Bio Cidre. Pero esto nun ye too, porque na so carta sidrera podemos alcontrar por exemplu, sidre comu la de pera de Viuda de Angelón, auguardientes de sidre Los Serranos y Casería San Juan del Obispo y diversos cócteles cola sidre comu protagonista. Tamién procura tener los productos ganaores del Festival de la Sidre de Nava. Nel prósimu númberu de LA SIDRA podréis ver un reportaxe más ampliu sobro esta sidroteca.

(Visited 1.650.965 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies