Inicio > AS > Eventos > La sidrería Yumay presentó les Xornaes Internacional del Xamón Ibéricu Grande Covián
Eventos

La sidrería Yumay presentó les Xornaes Internacional del Xamón Ibéricu Grande Covián

Nel actu nomáronse confráderes d’honor, méritu y númberu.

VER VIDIU

LA SIDRA.- La sidrería Yumay presentó les Xornaes Internacionales del Xamón Ibéricu Grande Covián. Nel actu nomáronse los nuevos confráderes d’honor méritu y númberu. Simón Guardado Pérez, alcalde de Valdés, foi nomáu confrádere d’Honor; y José Simón Ferro, de Arbo, Galicia; como de Méritu. Ferro ye’l propietariu de les  Bodegues As Laxas DOP de les Rías Baixas, y ta consideráu como “ún de los Pioneru del vinu esplumoso de Albariño ellaboráu con Métodu Champenoise” siñalen dende l’Asociación.

Asinamesmo cuntóse cola presencia del afamáu cortador de Xamón el Burgales Carlos Sánchez de Los Finos Burgos, Cortador Oficial na final de la Champions League 2017 y nel Gran Premiu de Mónaco F1. Tolos asistentes pudieron tastiar una amuesa d’estremaos xamones del territoriu español y uno portugués. Amás d’otros embutíos, quesos, bollos preñaos, y, como nun podía ser d’otra miente, de sidra asturiano, bébora qu’harmoniza a la perfeición con tolos productos qu’el Yumay ufiertó a los asistentes.

Tocántenes a los confráderes de Númberu, formen yá parte de l’asociación gastronómica: Montse Varela y Arturo Torres; Eva lucio y Pablo César Suárez; Rafael Peñarando y Fermi Proenza; y finalmente, Luz Benitu y Andrés Álvarez. Coles mesmes, los Gastrónomos del Yumay anunciaron quién va recibir anguaño’l Xamón de Plata Negro, qu’este recai en Santiago García Granda, rector de la Universidá d’Uviéu. La entrega va tener llugar el próximu llunes.

(Visited 2.465.686 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies