Inicio > Internacional > La sidre que llegó del fríu
InternacionalLlagares

La sidre que llegó del fríu

Les sidres nórdiques y báltiques prodúcense en países del norte d’Europa como Letonia, Estonia o Escandinavia.

LA SIDRA.- En Letonia, la sidre percíbese como una alternativa inovadora a la tradicional cerveza. Ye una de les bébores alcóliques más populares, tando la edá de la mayoría de bebedores de sidre ente los dieciocho y los ventinueve años.

El mercáu de la sidre en Letonia ta fuertemente influyíu polos métodos de produición nórdicos, una y bones la produición de mazana ye ún de los seutores de cultivu de fruta más grande del país.

Les mazanes de Letonia son conocíes por ser de gran calidá, sabrorgoses y desaxeradamente saludables, y éstes de normal viéndense fresques a les compañíes productores d’alcol. Dempués máyense para llograr el zusmiu de la mazana, que darréu formiéntase cola fin d’ellaborar sidre.

Dellos llagareros de Letonia promocionen l’usu de los métodos tradicionales para faer “sidre natural”. Ésto de normal implica utilizar el productu llocal y prohibir l’usu de zusmiu concentrao y zucres. Los que producen sidre esplumoso dacuando usen zusmiu de mazana concentráu, anque s’incentiva l’usu del zusmiu de mazana frescu. Los métodos tradicionales d’ellaboración de sidre esplumoso impliquen l’amiestu de zucres y diósidu de carbonu, según el someter a la sidre a dellos procesos de estabilización.

Les sidres de saborgos son particularmente populares en Letonia, siendo ún de los mayores productores la compañía AS Latvijaz Balzams. La hestoria d’esta compañía sidrera remóntase a 1900, cuando abrió la primer fábrica. Son ún de los productores llíderes en bébores alcóliques (incluyendo sidre) en Letonia, con dos de les sos fábriques na capital, Riga.

Los productores n’Estonia y Escandinavia son nuevos nel mundiu de la sidre. Estos países nun tienen una llarga tradición sidrera o métodos específicos de preparación.nDe la mesma, nun se desenvolvieron races de mazana específiques para faer sidre, por ello utillicen mazanes de mesa nestes rexones.

La diferencia ente mazanes de mesa y de sidre ye que la sidre fecho con mazanes de mesa nun suel tener ún de los trés componentes de mazanes de sidra braeru. Les mazanes de sidre llogren un amiestu dolce, agria y amargosa, ente que les otres nun tienen el componente amargosu.

Debíu al clima fríu, les mazanes de la rexón báltica tienen una gran acidez, escasu conteníu de zucre o taninos, que ye’l componente necesariu pa un saborgu amargosu. Por eso una sidre fecho con mazanes de mesa carauterízase por un saborgu agriu y refrescante y, de cutiu, llixeru y frescu por cuenta de la falta de taninos.

La teunoloxía pa la ellaboración de sidre tamién afecta a el collor de la bébora. El métodu d’avieyáu de la sidre en pipes de carbayu, qu’amiesta taninos y torna más escuru el collor de la sidre, escasamente úsase nesta zona. La mayoría de les sidres báltiques son de collor mariellu claru. Los métodos que s’utilicen nesta rexón estrémase por un principiu bien simple: formientadura única (bottle conditioned) y doble formientadura (el métodu tradicional).

El Stonian Cider House ye l’únicu llagar na rexón báltica. El so conceutu básase n’introducir sidre, estudiar la so prodicción n’Estonia y entamar festivales de sidre.

(Visited 638.221 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies