Inicio > Chigres > La sidre nel platu
ChigresEventosGastronomía

La sidre nel platu

Del 13 al 15 mayu los chigres de Nava cellebren la XXIX edición de les Xornaes Gastronómiques de Platos a la Sidre, onde mazana y sidre son ingredientes de los platos presentaos.

LA SIDRA.- Casa Mino, El Titi, Plaza, La Figar, Prida y La Barraca ufren demientres estes xornaes unos menús nos que la sidre tendrá un duple protagonismu, darréu que non solo fadrá bona compaña al platu, sinon que formará parte d’elli.

Trátase d’unes orixinales y a estes altures, perafitaes xornaes, nes qu’estes sidreríes saquen-y tol rendimientu a la sidre, al empar que dexen nidio la calidá de la so cocina y la so capacidá d’innovación, siendo pioneres nesta propuesta gastronómica que ca vuelta cunta con mayor aceptación social, y ta más presente na cocina de los chigres asturianos.

Eso sí, encamiéntase acutar mesa con tiempu.

(Visited 2.466.525 times)
Compartir

Dexa una rempuesta

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies