Inicio > Encamientos > La sidre nel Mercáu Artesanu y Ecolóxicu de Xixón
EncamientosGastronomíaSidreturismuTasties

La sidre nel Mercáu Artesanu y Ecolóxicu de Xixón

Tien llugar na Plaza Mayor la segunda fin de selmana de ca mes.

LA SIDRA.- El Mercáu Artesanu y Ecolóxicu de Xixón consolidóse demientres los sos 15 d’años d’esistencia nun referente artesanal, gastronómicu y turísticu n’Asturies, nel que puen tastiase y mercar toa triba de productos artesanos y ecolóxicos. Y ente ellos, nun podía faltar la sidre.

Ente los puestos qu’ufierten productos sidreros ta la Xeladería Islandia, qu’amás de los xelaos clásicos, allántanos con criaciones autóctones ente los que s’atopa’l xeláu de sidre.

Tamién atopamos con L’Ayeran que mos convida a prebar el so deliciosu llicor de sidre en formatu de 70 cl. y en miniatura de 4 cl.

La Casuca de Pastorias ellabora sidre y sidre’l duernu artesano de produición ecolóxico.

Y Guxidrin ufiértanos echaores de sidre manual de paré y de mesa artesanales y presonalizables dafechu.

Asina que los amantes de la sidre yá tienen una bona escusa pa visitar esti mercáu, que permanez abiertu de vienres a domingu n’horariu de 11:00 a 15:00 y de 17:00 a 21:00, sacantenes el domingu que pieslla a les 20:00 hores.

(Visited 2.467.527 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies