Inicio > AS > Noticies > La sidre n’Escandinavia
Noticies

La sidre n’Escandinavia

Dende güei y a lo llargo de los próximos díes l’importante escritor suecu y  collaborador en medios de comunicación, Jonas Borssen, especializáu en turismu gastronómicu, tará de visita per Asturies.

LA SIDRA.- L’escritor va percorrer la Contorna de la Sidre pa faese ecu de la bébora asturiano por escelencia “la sidre” nel so próximu llibru que va tar centráu nos principales productos de la gastronomía del Estáu español.

Una de les principales visites que va realizar va ser el Festival de la Sidre de Nava, declaráu Fiesta d’Interés Turísticu Nacional  y que se celebra demientres esta fin de selmana, asina ello, Jonas va tar presente demientres l’apertura de la Ruta la Sidre que va tener llugar esti sábadu y nel Concursu Internacional d’Echadores que se lleva a cabu esti domingu 10 de xunetu.

A lo llargo d’estos díes, téunicos del Serviciu de Promoción y Desendolcu Turísticu de la Mancomunidá Contorna de la Sidre acompangárenlu pa garantizar la so perfecha conocencia sobro los principales recursos turísticos d’esti destín, facilitándo-y igualmente’l contautu con estremaos axentes del territoriu rellacionaos cola sidre como llagareros, cocineros, o productores de mazana, asina como ellaboraores agroalimentarios qu’usen la sidre o la mazana como base.

Amás d’ello, una visita que nun se pudo perder foi la del Muséu de la Sidra, referente cultural d’esta Contorna y d’Asturies, con evidente interés turísticu.

(Visited 2.464.734 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies