Inicio > AS > Noticies > La sidre espoxiga díi ente díi
Noticies

La sidre espoxiga díi ente díi

Un estudiu de la consultora Euromonitor siñala que d’equí a 2020 la produición de sidre a nivel mundial espoxigará un 5% añal.

LA SIDRA.- Too paez indicar que la sidre ye la bébora alcólica qu’esperimenta un xorrecimientu más rápidu, perriba’l vinu, el cava o la cerveza, esperándose que pal 2020 lleguen a ellaborase más de 3.000 millones de llitros, ello ye, 640 millones de llitros más qu’anguañu.

 

¿Les xides? la ca vuelta mayor demanda de bébores ensin gluten, la recuperanza de la sidre fecho pa en casa y la mayor demanda ente la mocedá. Nos Estaos Xuníos les ventes de sidre triplicaron ente 2012 y 2014, y espérase que’l xorrecimientu del mercáu norteamericanu d’esta bébora seya’l 12% añal ente 2015 y 2020. Otru tantu podríe dicise de mercaos comu’l d’Australia o Sudáfrica, onde la sidre ca vuelta tien más presencia nos mercaos.

N’América del Sur y Central, onde los emigrantes asturianos llevaren la sidre axampanao, la so presencia ye perimportante, y n’Estaos comu L’Arxentina, el xorrecimientu calcúlase d’un 20 %, si bien el so consumu tien una estacionalidá que llastra un tovía mayor xorrecimientu.

(Visited 2.465.211 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies