Esti martes 1 de xunu, el Conseyu Regulador DOP Sidre d’Asturies cellebró, nel prestixosu congresu gastronómicu Madrid Fusión, una tastia con Sidres Naturales Esplumoses acoyíes a la Denominación d’Orixe Protexida Sidre d’Asturies. Féxose nel Espaciu Gastronómicu ‘Asturies Paraísu Natural y Alimentos del Paraísu’ d’Ifema, habilitáu pol gobiernu d’Asturies.
Les Sidres Naturales Esplumoses tastiaes fueron: Pomarina y Valle Ballina y Fernández (Grupu El Gaitero), Solaya (llagar Quelo), Poma Áurea (Trabanco), Prau Monga (Viuda de Angelón), E.M. (El Gobernador) y Ramos Del Valle (Sidra Fran).
L’actu, que tuvo un gran ésitu de participación, cuntó cola presencia de profesionales de l’alta restauración, importantes sumilleres y distribuidores estatales.