Inicio > Llagares > La sidre, en cris
Llagares

La sidre, en cris

Los perxuicios económicos derivaos del preslle y les restriciones de la hostelería llastren la vienta y la producción de de sidra, los llagareros avisen de que, de siguir asina, apelligra la prósima campaña de mazana

LA SIDRA.- Esta sedríe la dómina del añu na que los llagareros profesionales deberíen de tar somorguiaos nos trasiegos de los sos depósitos de sidre, preparándolos pa la prósima temporada. Sicasí, en munchos l’actividá menguó considerablemente. La incertidume sobro lo que va asoceder nos prósimos meses esmolez-yos.

N’especial lo que pueda pasar colos chigres. Hai que destacar qu’el 86% de les vientes de la sidr4 natural efectúase por mediu de la hostelería, y esi esllabón de la cadena ta nuna fonda cris por mor de los preslles y les restriciones pol andanciu. Les aídes convocaes nun aselen al seutor. Munchos propietarios clamen que son insuficientes y que nun van torgar que munchos negocios prellen dafechu.

Amás, la mayoría tarrez que’l procesu de vacunación nun vaiga tan rápido como pa poder salvar el branu. Y esti motivu, ente otros, causa que los ellaboraores amuésense cautos en rellación a la so produición. Los pumareros, pela so parte, avisen de qu’esti añu va ser de gran collecha y amuésense esmolecíos porque albidren que van poder colocar menos mazana. De lo mesmo avisen los llagareros, que ven que, de siguir asina, nun van poder asumir tola produición. Un artículu más estensu sobro esta cuestión va espublizase na revista LA SIDRA nel númberu 202 correspondiente al mes de febreru que ta a puntu salir.

(Visited 1.192.939 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies