Inicio > AS > Eventos > La sidre DOP, de nueu n’Enofusión
Eventos

La sidre DOP, de nueu n’Enofusión

L’alcuentru llevaráse a cabu los díis 23, 24 y 25 de xineru y per segunda ocasión va cuntar con sidre adscrito a la denominación.

LA SIDRA.- El Congresu Internacional del Vinu va cellebrar la so séptima edición los díis 23, 24 y 25 de xineru de 2017 nel Palaciu Municipal de Congresos de Madrid, al pie de la Cume Gastronómica Madrid Fusión. Enofusión sedrá de nueu l’escenariu onde estremaes tribes de bébores ellaboraes nel Estáu español cobren protagonismu dientru la gastronomía al traviés de tasties de prestixu, conferencies téuniques, espacios de degustación y novedaes al cargu de les grandes bodegues, denominaciones d’orixe y marques del seutor.

“Nel so interés por acoyer otres bébores que nun son puramente víniques, Enofusión va recibir per segundu añu consecutivu a la DOP Sidre de Asturies, énte l’aumentu del interés por esta bébora” siñalen dende la organización. Esti mediu de comunicación asistió a dichu alcuentru la pasada edición coles mires de cubrir –ente más información– la primer vegada que la Sidre DOP d’Asturies asistía a esti congresu que recibe alredior de 10.000 visitantes ente los que s’atopen sumilleres, cocineros, prensa especializao, distribuidores, productores y amantes de la gastronomía.

La diversidá de produición de la DOP tuvo representada l’añu pasáu poles marques Val de Boides DOP (sidre natural), Pomarina Natural DOP (sidre calistrao) y EM Brut Nature DOP (sidre esplumoso brut) como referentes istitucionales del Conseyu Regulador demientres 2016. Amás instalóse n’Enofusión el llamáu “Enobar”, un espaciu de tastia llibre nel que s’ufiertaron referencies qu’amosaron la diversidá, orixinalidá y calidá de les meyores etiquetes. El Conseyu Regulador DOP Sidre d‘ Asturies escoyó pa esti fin Val D’Ornon natural DOP, Poma Áurea brut DOP, Villacubera natural DOP y Pomarina Brut DOP, amás de les trés citaes enantes

(Visited 2.465.494 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies