Inicio > DOP Sidre d'Asturies > La Sidre d’Asturies, presente nel Salón Gourmets
DOP Sidre d'Asturies

La Sidre d’Asturies, presente nel Salón Gourmets

Dende esti llunes 25 al miércoles 27 d’abril, Ifema va acoyer la 35 edición del Salón Gourmets, la Feria d’Alimentación y Bébores de primer calidá n’Europa y una de les referentes más prestixoses del mundiu. Demientres eses feches, les Sidres Naturales Esplumoses DOP tornarán a tener protagonismu, un añu más, con tasties y degustaciones nun stand sol paragües d’Asturex.

Cómo echar un culete perfechu

El miércoles 27, a les 12:15 hores, el Conseyu Regulador DOP Sidre d’Asturies va cellebrar el taller ‘Cómo echar un culete perfechu’. Un echaor profesional va illustrar a los asistentes sobro los intereses d’esta téunica tradicional: el so orixe, el por qué, cómo se fai y con qué marida esta bébora.

Dempués, procedaráse a la demostración de dellos echaores pa desplicar les mañes a tener en cuenta nuna prueba del Campionatu Oficial: tiempu, midíes, estilu y entrega de vasu.

L’actu va rematar con un echáu popular como imaxe icónica d’Asturies.

 

(Visited 2.467.441 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies