Inicio > AS > Noticies > La sidre, cardiosaludable ya hipouricemiante
Noticies

La sidre, cardiosaludable ya hipouricemiante

El doctor Jesús Bernardo desplica los efeutos beneficiosos de la sidre pal nuesu organismu

LA SIDRA.- El doctor Jesús Bernardo ye l’autor del llibru La Dieta del Cantábricu: deprender a comer; nel qu’espón qué alimentos la componen y la bayura beneficios qu’apurren al nuesu organismu. Entituláu en Nutrición y Dietética pol Hospital Rober Debré – Universidá de Reims- y tamién en Nutrición Esportiva pol Hospital Paul Sabatier de Tolouse –ente munches más acreditaciones y distinciones–; ye miembru de la Comisión de Nutrición del Comité Olímpicu Español amás de dirixir la Unidá de Nutrición, Alimentación y Metabolismu n’Avilés y Xixón. Bernardo concedió una entrevista pa la revista LA SIDRA na que mos esplica los efeutos beneficiosos de la nuesa bébora tradicional pal organismu. Dicha entrevista puede lleese na so totalidá na nuesa edición 158 en versión impresa y online. Equí esponemos dalgunes de les sos rempuestes.

 

Realizáronse estudios sobro’l consumu moderáu de sidre y el so efeutu positivu en quien carecen d’ácidu úrico. ¿Ye asina?

“El consumu moderáu de sidre apurre una importante cantidá d’antiosidantes como flavones y antocianos, qu’actúen como reguladores del ácidu úrico y al curtiu plazu tienen un efeutu proteutor énte malures cardiovasculares. Amás l’alcol, siempres con moderación, aída a aumentar el HDL, el colesterol bonu”.

Y tocánteres a los sulfitos, ¿De qué manera mos afeuten?

“En ná porque la sidra contien la cantidá fayadiza pa que nós los metabolicemos y esaniciemos. Los sulfitos son pa caltener la sidre en perfeutu estáu, y eso al organismu nun lu afeuta absolutamente en nada.

Hai que siñalar que si nun se tien denguna patoloxía, la sidre nunca va producir un dañu a nivel gástricu, a la escontra, tien gran cantidá d’efeutos beneficiosos. Como yá se dixo actúa como antiinflamatoriu, contien nutrientes y ye cardiosaludable. Hebio un estudiu que fixo la Universidá d’Uviéu nel cual esleiéronse cinco sidres nel augua d’un acuariu. Nesti dexóse nalar a pexes cebra demientres unes hores. Dempués midióse-yos el conteníu en lípidos nel so fégadu, ello ye, el conteníu de colesterol que presentaben. Y demostróse qu’en tolos pexes amenorgárase la cantidá de colesterol”.

Pa lleer más: https://issuu.com/lasidra.as/docs/la sidra_158

(Visited 2.466.664 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies