Inicio > Cultura sidrera > La sidre axampanao, protagonista nes fiestes mexicanes
Cultura sidrera

La sidre axampanao, protagonista nes fiestes mexicanes

La Navidá y la Nuechivieya bríndase con esta bébora cuyu consumu espandióse gracies a los asturianos que cruciaron l’Atlánticu

LA SIDRA.- Puebla ye un  de los Estaos de México onde hai más producción de sidre axampanao. Nestes feches calcúlase que les vientes d’esta bébora increméntense fasta nun 50%. Nun ye d’estrañar, la sidre nesi país llatinoamericanu ye la bébora protagonista de les fiestes navidiegues y tamién n’Añu Nuevu. El so consumu implementóse y espandió tantu nesa nación como n’otres del Nuevu Continente gracies a la emigración asturiana que fixo de los países americanos el so llugar de residencia.

En México nun ye avezao que se brinde con xampán o cava. Si de bébores esplumoses trátase, lo tradicional ye cellebrar con sidre axampanao. Los principales ellaboradores atpese nes llocalidaes poblanas de Huejotzingo y Zacatlán, onde hai más de 20 llagares productores. Una d’elles ye la que vemos na semeya: Sidra San Francisco, que caltien la forma artesano d’ellaboración de sidre que-y vieno dao por xeneraciones anteriores. Amás de les sidres que denominen tradicionales “rosada y natural”, tamién tienen con saborgos: pera, mandarina, arándanu, granada, mora, fresa y durazno. Coles mesmes tamién ufierten una gama gourmet coles sidres denominaes “gourmet y aneya”.

(Visited 795.426 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies