Inicio > Cultura sidrera > LA SIDRA y la Fundación Asturies XXI, embaxaores de la Cultura Sidrera Asturiana
Cultura sidreraLa sidraRevistaSidreturismu

LA SIDRA y la Fundación Asturies XXI, embaxaores de la Cultura Sidrera Asturiana

Amás nomáronse otres 132 presones y entidaes más, nun actu de presentación y espicha nel Llagar de Trabanco Sariegu

VER SEMEYES

LA SIDRA.- 134 presones y entidaes foron nomaes les primeres embaxaores de la candidatura de la Cultura Sidrera Asturiana pa la so reconocencia como Padremuñu Cultural Inmaterial de la Humanidá. Ente elles, la revista LA SIDRA y la Fundación Asturies XXI. L’actu presentación entrega de llibru de firmes llevóse a cabu nel llagar de Trabanco, en Sariegu, al qu’asistieron cientos de presones rellacionaes con tola cadena de la sidre, dende collecheros, pasando per ellaboraores, hosteleros, echaores, medios de comunicación, blogueros y a impulsores del nuesu productu más emblemáticu. Les principales funciones de los embaxaores consistirán en xuntar apautamientos a la iniciativa al traviés de la xestión d’un llibru firmes de sofitu.

Habilitóse tamién una páxina ueb (www.culturasidrera.com) na que se recueyen los sofitos a la candidatura, qu’en pocos díis axuntó más de 2 mil robles n’estremaos puntos del territoriu. Los embaxaores encargaránse tamién de la cordinacióncon asociaciones o entidaes pa la recoyía de sofitos, de la distribuición de distintivos n’establecimientos hosteleros y comercios y del espardimientu de materiales informativos y promocionales.

Nel actu presentación de la candidatura participaron la conseyera de Desendolcu Rural y Recursos Naturales, María Jesús Álvarez; el periodista David Fernández-Prada, de Gustatio; y Tino Cortina, presidente del CR DOP Sidre d’Asturies que sopelexó: “hai que dicir tamién qu’enantes de llegar a la UNESCO la candidatura tien de pasar el filtru nacional. Yá qu’España pue presentar ca dos años una candidatura. Los asturianos que demostremos una vegada tres otra la solidaridá incondicional, tenemos nesta ocasión, que pedir el favor a los nuesos vecinos de los que nun esperamos menos pa esta causa. Les nueses mazanes, les nueses pumaraes, el nuesu paisaxe, el nuesu echar la sidre, tamién la nuesa botella, les nueses espiches, los nuesos chigres, los nuesos amagüestos, los nuesos festivales, precisen del sofitu unánime del pueblu asturianu y de toos aquellos qu’ensin ser asturianos, amen la nuesa tierra y la nuesa tradición sidrera y too pa que xeneraciones venideres esfrute, como lo facemo güei, d’esta receta padremuñal. Ye custión de convicióny decisión, que nun se mos pase esti momentu”.

Pel so llau, la conseyera siñaló que se ponía en furrulamientu una “maquinaria formidable de sofitu pa llevar a bon puertu la candidatura”. El proyeutu, sigún alvirtió “ye un retu complicáu” pero amestó quelos asturianos “enxamás nun toviemos les coses fáciles” y que “vamos trabayar ensin duelgu pa llevar la propuesta a la Comisión de Padremuñu Nacional y, tres pasar esti core, llegaremos a la Unesco”. Darréu dióse pasu a la entrega los diplomes acreítativos y llibru firmes pa ña recoyía de sofitos. Hebio un primer separtáu pa los medios de comunicación, y darréu, ca ayuntamientu propunxo al so embaxaor o embaxaora entregándo-ylos propios representantes del conceyu, el ‘kit’ de Cultura Sidrera Asturiana. En el caso de la Fundación, Asturies XXI, foi l’ayuntamientu Xixón quien la propunxo.

 

(Visited 2.466.725 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies